Blog
Kaise Judi Hai Peepal Puja Hamare Purwajo Se?

India mein religions ko bahut importance di jaati hai. Aur religion ke naam par kuch bhi ho to sab aage ho kar hissa lete hai,kaam karte hai phir voh chahe murti puja ho ya phir Variksha puja ho. .

Hum sab jaante hai ki Hindu Dharam mein Peepal puja ki bahut mahaanta hai. Hindu Dharam Mein Log maante hai ki peepal mein devi-devtao ka vaas hai. Kuch shani dev ko khush karne ke liye shanivaar ko diya jalate hain to koi subhah ke waqt peepal ko jal chadate hain.

Peepal puja ki pratha hazaaro saalo se chali aa rahi hai. Par peepal puja karni kyun shuru huyi. Aisa kya hua ki log Peepal puja ko itni importance dene lage?

Purane samay mein gaon ki har panchayat Peepal ke neeche hoti thi, hamare purwaj apna jyada samah vahi beetate the, unko pata lag gaya tha ki peepal bahut hi mahatvapuran hai jiske patte/leaves medicines mein use hote hain aur lakdi jalane ke kaam aati hai, aur yeh hamare aas paas ki hawa ko bhi shudh karta hai. Aur yehi ek aisa variksha hai jo raat ko bhi oxygen deta hai.

Hamare purwajo ne socha ki aane wali generation peepal ka dhayan rakhe jis se saari manavta iska laabh utha sake aur isko kaate na tab unhone peepal ko Bhagwan ke naam se jod diya. Jaise ki agar aap isko jal denge to bhagwaan samridhi dega, diya jalayege to shani dev khush honge. Ek yeh bhi fact hai ki kuch log mante hai ki peepal puja se hamare purwaj bahut khush honge.

Har kaam ko karne ke peeche koi na koi Logic to hota he hai. Aur yeh tha peepal ki puja ka LOGIC.

Older Post Newer Post
Thanks